غلا کے بنیادی معنی اپنی حدود سے تجاوز کرنا اور اوپر اٹھنا ہے اس سے غَلَا القِدْر ہانڈی کا جوش مارنا اور غلا السّعر (نرخوں کا بلند ہو جانا) ہے۔

پانی کا چشمہ اسے زور سے پھوٹنا مگر نضخ میں جوش مارنے کی وجہ کثرت آب اور دباؤ ہوتی ہے نہ کہ حرارت اور نَضَّاخ موسلادھار بارش کو بھی کہتے ہیں۔ اور عَیْنٌ نَضَّاخَةوہ چشمہ ہے جو کثرت آب کی وجہ سے جوش مار رہا ہو۔

فار کا لفظ ہانڈی کے جوش مارنے چشمہ سے پانی ابلنے کے لیے اور آگ کے جوش مارنے کے لیے بھی استعمال ہوتا ہے مگر یہ لفظ اس صورت میں استعمال ہوگا جبکہ ابال جلد جلد اٹھ رہا ہو کیونکہ الفور کے معنی بہت جلدی کے ہیں۔ کہا جاتا ہے رجع من فورہ، وہ بلا توقف جلد جلد واپس ہوا۔ اور لفظ فوّارہ بھی اسی سے مشتق ہے جس میں پانی میں تسلسل قائم رہتا ہے۔