سیدنا ابوالاحوص اپنے باپ سے روایت کرتے ہیں کہ وہ نبی صلی اللہ علیہ وسلم کے پاس آئے تو آپ صلی اللہ علیہ وسلم نے ان کو بکھرے بالوں کے ساتھ خاک آلود پایا، تو آپ صلی اللہ علیہ وسلم نے انہیں پوچھا: ”تمہارا کیا حال ہے؟“ انہوں نے کہا: مجھے اﷲ نے ہر قسم کا مال دیا ہے۔ آپ صلی اللہ علیہ وسلم نے فرمایا: ”جب اﷲ تعالیٰ کسی پر کوئی نعمت کرے تو وہ چاہتا ہے کہ اس پر اس کی نعمت کے اثرات دیکھے جائیں۔“ [معجم صغير للطبراني/کِتَابُ اللِّبَاسِ/حدیث: 613]