        
|
 |
الحمدللہ! صحيح ابن خزيمه پیش کر دی گئی ہے۔
سنن دارمي
من كتاب الصللاة
نماز کے مسائل
| حدیث نمبر: 1606 |
ضحاک بن قیس فہری نے کہا: ہم نے سیدنا نعمان بن بشیر انصاری رضی اللہ عنہما سے پوچھا: نبی کریم صلی اللہ علیہ وسلم جمعہ کے دن اس سورہ کے علاوہ جس میں جمعہ کا ذکر ہے اور کون سی سورہ پڑھتے تھے؟ انہوں نے جواب دیا کہ: آپ اس کے ساتھ «هَلْ أَتَاكَ حَدِيثُ الْغَاشِيَةِ» پڑھتے تھے۔ [سنن دارمي/من كتاب الصللاة/حدیث: 1606]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1608] »
اس روایت کی سند صحیح ہے، تخریج اوپر ذکر کی جا چکی ہے۔ مزید دیکھئے: [الموطأ: كتاب الجمعة 21] و [ابن خزيمه 1846]
اس روایت کی سند صحیح ہے، تخریج اوپر ذکر کی جا چکی ہے۔ مزید دیکھئے: [الموطأ: كتاب الجمعة 21] و [ابن خزيمه 1846]
| حدیث نمبر: 1607 |
سیدنا نعمان بن بشیر رضی اللہ عنہما نے کہا: رسول الله صلی اللہ علیہ وسلم عیدین اور جمعہ (کی نماز) میں «سَبِّحِ اسْمَ رَبِّكَ الْأَعْلَى» اور «هَلْ أَتَاكَ حَدِيثُ الْغَاشِيَةِ» پڑھتے تھے، اور جب کبھی عید اور جمعہ جمع ہو جاتے تو دونوں نمازوں میں بھی یہ سورتیں پڑھتے تھے۔ [سنن دارمي/من كتاب الصللاة/حدیث: 1607]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1609] »
اس روایت کی سند صحیح اور حدیث بھی صحیح ہے۔ دیکھئے: [مسلم 887/63] ، [ابن خزيمه 1845] ، [ابن حبان 2807]
اس روایت کی سند صحیح اور حدیث بھی صحیح ہے۔ دیکھئے: [مسلم 887/63] ، [ابن خزيمه 1845] ، [ابن حبان 2807]
203. باب السَّاعَةِ التي تُذْكَرُ في الْجُمُعَةِ:
203. جمعہ کی اس گھڑی (وقت) کا بیان جس میں دعا قبول کی جاتی ہے
| حدیث نمبر: 1608 |
سیدنا ابوہریرہ رضی اللہ عنہ نے کہا: میں نے کعب الاحبار رحمہ اللہ سے ملاقات کی تو میں رسول اللہ صلی اللہ علیہ وسلم کی احادیث بتانے لگا، اور وہ توراۃ کے بارے میں مجھے بتانے لگے، یہاں تک کہ جب جمعہ کے دن کا ذکر آیا تو میں نے کہا کہ رسول اللہ صلی اللہ علیہ وسلم نے فرمایا ہے: ”اس میں ایک ایسی گھڑی آتی ہے جس میں کوئی مسلمان نماز پڑھتے ہوئے اللہ تعالیٰ سے بھلائی مانگے تو اللہ تعالیٰ وہ چیز اس کو عطا فرما دیتا ہے۔“ [سنن دارمي/من كتاب الصللاة/حدیث: 1608]
تخریج الحدیث: تحقيق الحديث: حسين سليم أسد الداراني: «إسناده ضعيف ولكن الحديث متفق عليه، [مكتبه الشامله نمبر: 1610] »
اس سند سے یہ روایت ضعیف ہے، لیکن دوسری اسانید سے صحیح اورمتفق علیہ حدیث ہے۔ دیکھئے: [بخاري 935] ، [مسلم 852] ، [نسائي 1431] ، [ابن ماجه 1137] ، [أبويعلی 6055] ، [ابن حبان 2772] ، [الحميدي 1016]
اس سند سے یہ روایت ضعیف ہے، لیکن دوسری اسانید سے صحیح اورمتفق علیہ حدیث ہے۔ دیکھئے: [بخاري 935] ، [مسلم 852] ، [نسائي 1431] ، [ابن ماجه 1137] ، [أبويعلی 6055] ، [ابن حبان 2772] ، [الحميدي 1016]
204. باب فِيمَنْ تَرَكَ الْجُمُعَةَ مِنْ غَيْرِ عُذْرٍ:
204. جو شخص بغیر عذر کے جمعہ چھوڑ دے اس کا بیان
| حدیث نمبر: 1609 |
سیدنا ابن عمر اور سیدنا ابوہریرہ رضی اللہ عنہم نے بیان کیا کہ انہوں نے رسول اللہ صلی اللہ علیہ وسلم کو اپنے منبر کی لکڑیوں پر کہتے سنا کہ لوگ جمعہ کے چھوڑ دینے سے باز آ جائیں، ورنہ اللہ تعالیٰ ان کے دلوں پر مہر لگا دے گا، پھر وہ غافلین میں سے ہو جائیں گے۔ [سنن دارمي/من كتاب الصللاة/حدیث: 1609]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1611] »
اس حدیث کی سند صحیح ہے۔ دیکھئے: [مسلم 865] ، [نسائي 1369] ، [ابن ماجه 794] ، [شرح السنة 1054] ، [أبويعلی 5742] ، [ابن حبان 2785، وغيرهم]
اس حدیث کی سند صحیح ہے۔ دیکھئے: [مسلم 865] ، [نسائي 1369] ، [ابن ماجه 794] ، [شرح السنة 1054] ، [أبويعلی 5742] ، [ابن حبان 2785، وغيرهم]
| حدیث نمبر: 1610 |
سیدنا ابوجعد ضمری رضی اللہ عنہ نے کہا: رسول اللہ صلی اللہ علیہ وسلم نے فرمایا: ”جو شخص سستی سے جمعہ چھوڑ دے، اللہ تعالیٰ اس کے دل پر مہر لگا دے گا۔“ [سنن دارمي/من كتاب الصللاة/حدیث: 1610]
تخریج الحدیث: تحقيق الحديث: حسين سليم أسد الداراني: «إسناده حسن، [مكتبه الشامله نمبر: 1612] »
اس روایت کی سند حسن ہے۔ دیکھئے: [أبوداؤد 1052] ، [ترمذي 500] ، [نسائي 1367] ، [ابن ماجه 1125] ، [أبويعلی 1600] ، [ابن حبان 258] ، [موارد الظمآن 55، 62، 554]
اس روایت کی سند حسن ہے۔ دیکھئے: [أبوداؤد 1052] ، [ترمذي 500] ، [نسائي 1367] ، [ابن ماجه 1125] ، [أبويعلی 1600] ، [ابن حبان 258] ، [موارد الظمآن 55، 62، 554]
205. باب في فَضْلِ يَوْمِ الْجُمُعَةِ:
205. جمعہ کے دن کی فضیلت کا بیان
| حدیث نمبر: 1611 |
سیدنا اوس بن اوس رضی اللہ عنہ نے کہا: رسول اللہ صلی اللہ علیہ وسلم نے فرمایا: ”تمہارے ایام میں سب سے اچھا دن جمعہ کا دن ہے، اسی میں آدم علیہ السلام کی تخلیق ہوئی، اسی دن صور ہو گا اور لوگ بےہوش ہو جائیں گے، سو تم اس دن میرے اوپر کثرت سے درود بھیجو اس لئے کہ تمہارا درود میرے اوپر پیش کیا جا تا ہے“، ایک شخص نے عرض کیا: یا رسول اللہ! ہمارا درود کس طرح آپ پر پیش کیا جاوے گا، آپ تو مٹی ہو چکے ہوں گے، رسول اللہ صلی اللہ علیہ وسلم نے فرمایا: ”الله تعالیٰ نے زمین پر نبیوں کے اجسام کو کھانا حرام کر دیا ہے۔“ [سنن دارمي/من كتاب الصللاة/حدیث: 1611]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1613] »
اس حدیث کی سند صحیح ہے۔ دیکھئے: [أبوداؤد 1047] ، [نسائي 1373] ، [ابن ماجه 1085] ، [ابن حبان 910] ، [موارد الظمآن 550]
اس حدیث کی سند صحیح ہے۔ دیکھئے: [أبوداؤد 1047] ، [نسائي 1373] ، [ابن ماجه 1085] ، [ابن حبان 910] ، [موارد الظمآن 550]
206. باب مَا جَاءَ في الصَّلاَةِ بَعْدَ الْجُمُعَةِ:
206. نماز جمعہ کے بعد نماز پڑھنے کا بیان
| حدیث نمبر: 1612 |
سیدنا ابن عمر رضی اللہ عنہما سے مروی ہے کہ نبی کریم صلی اللہ علیہ وسلم جمعہ کے بعد اپنے گھر میں دو رکعت (سنت) پڑھتے تھے۔ [سنن دارمي/من كتاب الصللاة/حدیث: 1612]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1614] »
اس روایت کی سند صحیح اور حدیث متفق علیہ ہے۔ دیکھئے: [بخاري 937] ، [مسلم 882] ، [أبوداؤد 1252] ، [نسائي 872]
اس روایت کی سند صحیح اور حدیث متفق علیہ ہے۔ دیکھئے: [بخاري 937] ، [مسلم 882] ، [أبوداؤد 1252] ، [نسائي 872]
| حدیث نمبر: 1613 |
سالم نے اپنے والد سیدنا عبدالله بن عمر رضی اللہ عنہما سے روایت کیا کہ نبی کریم صلی اللہ علیہ وسلم جمعہ کے بعد دو رکعت پڑھتے تھے۔ [سنن دارمي/من كتاب الصللاة/حدیث: 1613]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1615] »
اس روایت کی سند بھی صحیح اور حدیث متفق علیہ ہے جیسا کہ اوپر گذر چکا ہے۔ نیز دیکھئے: [أبويعلی 5435]
اس روایت کی سند بھی صحیح اور حدیث متفق علیہ ہے جیسا کہ اوپر گذر چکا ہے۔ نیز دیکھئے: [أبويعلی 5435]
| حدیث نمبر: 1614 |
سیدنا ابوہریرہ رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ”تم میں سے جو کوئی بھی جمعہ کے بعد نماز پڑھنا چاہے وہ چار رکعت نماز (سنت) پڑھے۔“ امام دارمی ابومحمد رحمہ اللہ نے فرمایا: میں جمعہ کے بعد دو رکعت یا چار رکعت (سنت) پڑھتا ہوں۔ [سنن دارمي/من كتاب الصللاة/حدیث: 1614]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1616] »
اس حدیث کی سند صحیح اور حدیث بھی صحیح ہے۔ دیکھئے: [مسلم 881] ، [أبوداؤد 1131] ، [ترمذي 523] ، [نسائي 1425] ، [ابن ماجه 1132] ، [ابن حبان 2477] ، [مسند الحميدي 1006]
اس حدیث کی سند صحیح اور حدیث بھی صحیح ہے۔ دیکھئے: [مسلم 881] ، [أبوداؤد 1131] ، [ترمذي 523] ، [نسائي 1425] ، [ابن ماجه 1132] ، [ابن حبان 2477] ، [مسند الحميدي 1006]
207. باب في الْوِتْرِ:
207. وتر کا بیان
| حدیث نمبر: 1615 |
سیدنا خارجہ بن حذافہ عدوی رضی اللہ عنہ نے کہا: رسول اللہ صلی اللہ علیہ وسلم ہمارے پاس تشریف لائے اور فرمایا: ”بیشک اللہ تعالیٰ نے تمہارے لئے ایک نماز اور بڑھا دی ہے جو تمہارے لئے سرخ اونٹوں سے بہتر ہے، اس کا وقت عشاء اور طلوعِ فجر کے درمیان ہے۔“ [سنن دارمي/من كتاب الصللاة/حدیث: 1615]
تخریج الحدیث: تحقيق الحديث: حسين سليم أسد الداراني: «إسناده حسن، [مكتبه الشامله نمبر: 1617] »
اس روایت کی سند میں کلام ہے، لیکن مجموع طرق سے حسن کے درجے تک پہنچ سکتی ہے۔ دیکھئے: [أبوداؤد 1418] ، [ترمذي 452] ، [ابن ماجه 1168] ، [شرح معاني الآثار 430/1] ، [المعجم الكبير للطبراني 4136] ، [دارقطني 30/2، وغيرهم]
اس روایت کی سند میں کلام ہے، لیکن مجموع طرق سے حسن کے درجے تک پہنچ سکتی ہے۔ دیکھئے: [أبوداؤد 1418] ، [ترمذي 452] ، [ابن ماجه 1168] ، [شرح معاني الآثار 430/1] ، [المعجم الكبير للطبراني 4136] ، [دارقطني 30/2، وغيرهم]