839-عبدالملک بن نوفل بیان کرتے ہیں: انہوں نے مز ینہ قبیلے سے تعلق رکھنے والے ایک صاحب جن کا نام ابن عصام تھا انہیں یہ بیان کرتے ہوئے سنا: انہوں نے اپنے والد کے حوالے سے یہ بات نقل کی نبی اکرم صلی اللہ علیہ وسلم جب کسی مہم کو روانہ کرتے تھے، تو آپ صلی اللہ علیہ وسلم یہ ارشاد فرماتے تھے: ”جب تم (کسی علاقے میں) کوئی مسجد دیکھویا تم مؤذن کو سنوتو وہاں کسی کو قتل نہ کرنا۔“
راوی بیان کرتے ہیں، نبی اکرم صلی اللہ علیہ وسلم نے ہمیں ایک مہم پرروانہ کیا آپ صلی اللہ علیہ وسلم نے ہمیں یہی ہدایت کی ہم تہامہ کی سمت روانہ ہوئے وہاں ہمیں ایک شخص ملا جو کچھ خواتین کو لے جارہاتھا ہم نے ا س سے کہا: تم اسلام قبول کرلو اس نے دریافت کیا: اسلام سے مراد کیا ہے؟ ہم نے اسے اس بارے میں بتایا تو وہ اس سے واقف نہیں تھا۔ وہ بولا: اگر میں ایسا نہیں کرتا تو پھر تمہارا کیا خیال ہے، پھر تم لوگ کیا کرو گے؟ راوی کہتے ہیں: ہم نے کہا: ہم تمہیں قتل کردیں گے۔ وہ بولا: کیا تم میرا انتظار کرو گے؟ میں ان خواتین تک جاؤں۔ ہم نے کہا: ٹھیک ہے ہم تم تک پہنچ جائیں گے۔
راوی کہتے ہیں: وہ ان خواتین کے پاس گیا اور بولا: ”حبیش“ تم اسلام قبول کرلو۔ اس سے پہلے کہ زندگی ختم ہوجائے، تو ایک دوسری عورت بولی: تم دس لوگ اسلام قبول کرو، سات لوگ کرو جو طاق ہوتے ہیں، یاآٹھ کرو جو یکے بعد دیگر ے ہوتے ہیں۔
پھر اس شخص نے یہ پڑھا۔ ”کیا تمہیں وہ دن یا د ہے، جب میں تمہاری تلاش میں نکلا تھا، تو میں نے تمہیں ”حلیہ“ کے مقام پر پایا تھا یا میں نے تمہیں ”خوانق“ کے مقام پر پایا تھا کیا یہ بات لازمی نہیں تھی کہ عشق کرنے والے کو رات کے وقت کے سفر اور تپتی ہوئی دوپہر کے سفر کا معاوضہ دیا جائے میں نے جو کہا ہے اس پر مجھے کوئی گناہ نہیں ہوگا۔ اگر میری بیوی میرے ساتھ ہوا ور وہ مجھے غسل کی اجازت دید ے اس سے پہلے کہ حادثات میں کوئی ایک حادثہ لاحق ہوجائے۔ وہ مجھے وصل کی اجازت دید ے اس سے پہلے کہ گھر دور ہوجائے اور حاکم محبوب کے بارے میں علیحدگی کا حکم دیدے۔“
راوی بیان کرتے ہیں: پھر وہ شخص ہمارے پاس آیا اور بولا: اب تم اپنا کام کر لو آگے بڑھے اور ہم نے اس کی گردن اڑادی تو ایک عورت اپنے ہودج سے تیزی سے نیچے آئی وہ انتہائی گندمی رنگت کی مالک تھی وہ آکر اس پر گری اور وہ بھی فوت ہوگئی۔

[مسند الحميدي/حَدِيثُ عِصَامٍ الْمُزَنِيِّ رَضِيَ اللَّهُ عَنْهُ/حدیث: 839]