سیّدنا علی رضی اللہ عنہ نے بیان کیا کہ نبی اکرم صلی اللہ علیہ وسلم نے فرمایا: مجھ پر جھوٹ نہ باندھو کیونکہ جو مجھ پر جھوٹ باندھتا ہے وہ آگ میں داخل ہوگا۔ [اللؤلؤ والمرجان/مقدمة/حدیث: 1]

سیّدنا انس رضی اللہ عنہ کی حدیث ہے فرماتے ہیں: مجھے کثرت سے احادیث نبوی بیان کرنے سے یہ روایت منع کیے ہوئے ہے کہ نبی اکرم صلی اللہ علیہ وسلم نے فرمایا: جس نے مجھ پر جان بوجھ کر جھوٹ بولا اسے اپنا ٹھکانا آگ بنا لینا چاہیے۔ [اللؤلؤ والمرجان/مقدمة/حدیث: 2]

سیّدنا ابوہریرہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا: جس نے مجھ پر جان بوجھ کر عمداً جھوٹ بولا اسے اپنا ٹھکانا آگ میں بنا لینا چاہیے۔ [اللؤلؤ والمرجان/مقدمة/حدیث: 3]

سیّدنا مغیرہ بن شعبہ رضی اللہ عنہ کا بیان ہے کہ میں نے نبی اکرم صلی اللہ علیہ وسلم سے سنا آپ فرما رہے تھے کہ مجھ پر جھوٹ بولنا تمہارے ایک پر جھوٹ بولنے کی طرح نہیں ہے (بلکہ) جس نے مجھ پر جان بوجھ کر جھوٹ باندھا اسے چاہیے کہ وہ اپنا ٹھکانا اور مکان آگ میں بنا لے۔“ [اللؤلؤ والمرجان/مقدمة/حدیث: 4]