سیدنا انس بن مالک رضی اللہ عنہ نبی صلی اللہ علیہ وسلم سے، آپ جبریل علیہ السلام سے، وہ اللہ تبارک و تعالیٰ سے روایت کرتے ہیں کہ اللہ نے فرمایا: ”جب میں اپنے بندوں میں سے کسی بندے کی طرف اس کے بدن، مال یا اولاد میں کوئی مصیبت بھیجوں پھر وہ صبر جمیل کے ساتھ اس کا استقبال کرے تو میں اس سے قیامت کے دن اس بات سے حیا کروں گا کہ اس کے لیے میزان قائم کروں یا اس کے لیے اعمال نامہ کھولوں۔“ [مسند الشهاب/حدیث: 1462]