|
 |
مسند الشهاب
احادیث1201 سے 1400
835. مَا مَلَأَ ابْنُ آدَمَ وِعَاءً شَرًّا مِنْ بَطْنٍ
835. ابن آدم نے (اپنے) پیٹ سے زیادہ برا کوئی برتن نہیں بھرا۔
| حدیث نمبر: 1340 |
سیدنا مقدام بن معدی کرب رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”ابن آدم نے (اپنے) پیٹ سے زیادہ برا کوئی برتن نہیں بھرا۔ ابن آدم کے لیے چند لقمے ہی کافی ہیں جو اس کی پشت کو سیدھا رکھ سکیں اور اگر زیادہ کھانا ضروری ہو تو پھر (پیٹ کا) تیسرا حصہ کھانے کے لیے، تیسرا حصہ پانی کے لیے اور تیسرا حصہ سانس کے لیے ہو۔“ [مسند الشهاب/حدیث: 1340]
تخریج الحدیث: «صحيح، وأخرجه ابن حبان فى «صحيحه» برقم: 674، 5236، والحاكم فى «مستدركه» برقم: 7232، 8040، والنسائی فى «الكبریٰ» برقم: 6737، 6738، 6739، والترمذي فى «جامعه» برقم: 2380، 2380 م، وابن ماجه فى «سننه» برقم: 3349، وأحمد فى «مسنده» برقم: 17459، والطبراني فى «الكبير» برقم: 644»
| حدیث نمبر: 1341 |
سیدنا مقدام بن معدی کرب رضی اللہ عنہ کہتے ہیں کہ میں نے رسول الله صلی اللہ علیہ وسلم کو فرماتے سنا۔۔۔۔ اور انہوں نے یہ حدیث بیان کی۔ [مسند الشهاب/حدیث: 1341]
تخریج الحدیث: «صحيح، وأخرجه ابن حبان فى «صحيحه» برقم: 674، 5236، والحاكم فى «مستدركه» برقم: 7232، 8040، والنسائی فى «الكبریٰ» برقم: 6737، 6738، 6739، والترمذي فى «جامعه» برقم: 2380، 2380 م، وابن ماجه فى «سننه» برقم: 3349، وأحمد فى «مسنده» برقم: 17459، والطبراني فى «الكبير» برقم: 644»
وضاحت: تشریح: -
اس حدیث میں زیادہ کھانے کی عادت کو بدترین خصلت قرار دیا گیا ہے۔ زیادہ کھانا بہت سی دینی اور دنیاوی خرابیوں کا باعث ہے، ایسا شخص صرف کھانے پینے کی فکر میں رہتا ہے اور بسا اوقات وہ یہ بھی تمیز نہیں کرتا کہ جس کھانے سے وہ پیٹ بھر رہا ہے وہ حلال ہے یا حرام، زیادہ کھانا امراض معدہ کا باعث بھی ہے اور دل و د ماغ پر بھی اس کے برے اثرات پڑتے ہیں۔ بہر حال کم خوری ہر لحاظ سے مفید اور بسیار خوری ہر لحاظ سے مصفر ہے۔ تمام حکماء، بھی اس بات پر متفق ہیں۔
اس حدیث میں زیادہ کھانے کی عادت کو بدترین خصلت قرار دیا گیا ہے۔ زیادہ کھانا بہت سی دینی اور دنیاوی خرابیوں کا باعث ہے، ایسا شخص صرف کھانے پینے کی فکر میں رہتا ہے اور بسا اوقات وہ یہ بھی تمیز نہیں کرتا کہ جس کھانے سے وہ پیٹ بھر رہا ہے وہ حلال ہے یا حرام، زیادہ کھانا امراض معدہ کا باعث بھی ہے اور دل و د ماغ پر بھی اس کے برے اثرات پڑتے ہیں۔ بہر حال کم خوری ہر لحاظ سے مفید اور بسیار خوری ہر لحاظ سے مصفر ہے۔ تمام حکماء، بھی اس بات پر متفق ہیں۔