3- سیدنا علی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”مجلسیں امانت ہوتی ہیں۔“ اور نصیبی کی روایت میں ہے کہ میں (سیدنا علی رضی اللہ عنہ) نے رسول اللہ صلی اللہ علیہ وسلم کو یہ فرماتے سنا ہے۔ [مسند الشهاب/حدیث: 3]
تخریج الحدیث: «إسناده ضعيف جدا، تاريخ مدينة السلام: 468/12 - مكارم الاخلاق للخرائطي: 817» حسین بن عبداللہ بن ضمیرہ کذاب ہے۔
وضاحت: فائدہ: سیدنا جابر بن عبداللہ رضی اللہ عنہ سے مروی ہے کہ نبی اکرم صلی اللہ علیہ وسلم نے فرمایا: ”جب آدمی بات کہہ کر ادھر ادھر دیکھے تو وہ امانت ہے۔“ امام ترمذی نے اس حدیث پر یہ بات باندھا ہے: ”مجلسیں امانت ہیں“[أخرجه الترمذي: 1959 وسنده حسن]
