حضرت عروہ بن زبیر دو طواف ایک ساتھ نہ کرتے تھے، اس طرح پر کہ اُن دونوں کے بیچ میں دوگانہ طواف ادا نہ کریں، بلکہ ہر سات پھیروں کے بعد دو رکعتیں پڑھتے تھے مقامِ ابراہیم کے پاس یا اور کسی جگہ۔ [موطا امام مالك رواية يحييٰ/كِتَابُ الْحَجِّ/حدیث: 816]
تخریج الحدیث: «مقطوع صحيح، وأخرجه ابن أبى شيبة فى «مصنفه» برقم: 15031، فواد عبدالباقي نمبر: 20 - كِتَابُ الْحَجِّ-ح: 116»
امام مالک رحمہ اللہ سے سوال ہوا کہ اگر کوئی شخص آسان سمجھ کر دو یا تین طواف کر کے سب کے بعد دوگا نے ادا کرے تو یہ درست ہے؟ جواب دیا کہ نہیں، ہر سات پھیروں کے بعد اس کا دوگانہ ادا کرے۔ [موطا امام مالك رواية يحييٰ/كِتَابُ الْحَجِّ/حدیث: 816B1]
کہا امام مالک رحمہ اللہ نے: ایک شخص نے طواف شروع کیا سو بھول گیا یہاں تک کہ آٹھ یا نو پھیرے کیے، تو جب اس کو علم ہو، طواف چھوڑ دے۔ پھر دو رکعتیں پڑھے، اور جو زیادہ ہو گیا اس کا اعتبار نہ کرے، اور یہ نہ کرے کہ دوسرا طواف بھی پورا کرے دونوں طوافوں کے دوگانے ایک ساتھ ادا کرے۔ کیونکہ سنّت یہ ہے کہ ہر طواف کا دوگانہ اس کے بعد ادا ہو۔ [موطا امام مالك رواية يحييٰ/كِتَابُ الْحَجِّ/حدیث: 816B2]
امام مالک رحمہ اللہ نے فرمایا کہ جو شخص طواف کر کے دوگانہ ادا کرے پھر اس کو شک ہو کہ سات پھیرے پورے نہ ہوئے تھے، تو وہ سات پورے کرے اور دو گانہ دوبارہ پڑ ھے، اس لیے کہ دوگانہ جب ادا کر نا چاہیے کہ سات پھیرے ہو جائیں۔ [موطا امام مالك رواية يحييٰ/كِتَابُ الْحَجِّ/حدیث: 816B3]
امام مالک رحمہ اللہ نے فرمایا کہ جس شخص کا وضوء طواف یا سعی کرتے میں ٹوٹ جائے تو وہ وضو کرے اور نئے سرے سے طواف شروع کرے، اور سعی کے جس قدر پھیرے باقی تھے وہ ادا کرے، کیونکہ سعی وضو ٹوٹ جانے سے باطل نہیں ہوتی، مگر جب سعی شروع کرے تو باوضو ہونا چاہیے۔ [موطا امام مالك رواية يحييٰ/كِتَابُ الْحَجِّ/حدیث: 816B4]