        
|
 |
الحمدللہ! صحيح ابن خزيمه پیش کر دی گئی ہے۔
صحيح البخاري
كتاب الأضاحي
کتاب: قربانی کے مسائل کا بیان
6. بَابُ الأَضْحَى وَالْمَنْحَرِ بِالْمُصَلَّى:
6. باب: عیدگاہ میں قربانی کرنے کا بیان۔
| حدیث نمبر: 5551 |
ہم سے محمد بن ابی بکر مقدمی نے بیان کیا، کہا ہم سے خالد بن حارث نے بیان کیا، کہا ہم سے عبیداللہ نے بیان کیا اور ان سے نافع نے بیان کیا کہ عبداللہ بن عمر رضی اللہ عنہما قربان گاہ میں نحر کیا کرتے تھے اور عبیداللہ نے بیان کیا کہ مراد وہ جگہ ہے جہاں نبی کریم صلی اللہ علیہ وسلم قربانی کرتے تھے۔ [صحيح البخاري/كتاب الأضاحي/حدیث: 5551]
| حدیث نمبر: 5552 |
ہم سے یحییٰ بن بکیر نے بیان کیا، کہا ہم سے لیث نے بیان کیا، ان سے کثیر بن فرقد نے، ان سے نافع نے اور انہیں عبداللہ بن عمر رضی اللہ عنہما نے خبر دی کہ رسول اللہ صلی اللہ علیہ وسلم (قربانی) ذبح اور نحر عیدگاہ میں کیا کرتے تھے۔ [صحيح البخاري/كتاب الأضاحي/حدیث: 5552]