امام مالک رحمہ اللہ نے فرمایا: اگر چند لوگ مل کر ایک شکار ماریں، اور سب احرام باندھے ہوں، تو ہر ایک شخص پر ان میں سے جزاء لازم ہوگی، اور ہر ایک کو پوری جزاء دینی ہوگی، اگر ان پر ہدی کا حکم ہوگا تو ہر ایک کو ہدی دینا ہوگی، اگر روزوں کا حکم ہوگا تو ہر ایک کو روزہ رکھنا ہو گا۔ اس کی مثال یہ ہے کہ چند آدمی مل کر ایک شخص کو خطا سے مار ڈالیں، تو کفارہ قتل کا یعنی ایک غلام آزاد کرنا ہر ایک پر واجب ہوگا، یا دو مہینے پے در پے روزے ہر ایک کو رکھنے ہوں گے۔