فائدہ:
یہ حدیث ثابت نہیں ہے۔ اس میں ہے کہ سیدنا عثمان رضی اللہ عنہ منیٰ میں پوری نماز پڑھتے تھے اور اس کی وجہ یہ بیان کرتے تھے کہ میں یہاں اپنے اہل وعیال سمیت ٹھہرا ہوا ہوں، جب سے میں یہاں آیا ہوں۔ میں نے رسول اللہ ﷺ سے سنا ہے کہ جو شخص کسی جگہ اپنے اہل وعیال سمیت کسی شہر میں ٹھہرے تو وہ متیم آ دمی والی نماز پڑھے۔ یہ روایت اگر چہ ضعیف ہے،لیکن سیدنا عثمان رضی اللہ عنہ منٰی میں پہلے دو رکعت ہی پڑھا کرتے تھے لیکن خلافت کے کچھ عرصہ بعد وہ منٰی میں پوری نماز پڑھنے لگے تھے۔ (صـحـيـح البخاری: 1082، 1083، 1084)، اس پر سیر حاصل بحث کے لیے (فتح الباری: 470/3، 472) کا مطالعہ کریں۔ صحیح بات یہی ہے کہ منیٰ میں دو رکعت ہی پڑھنی چاہیے، جیسا کہ رسول اللہ صلی اللہ علیہ وسلم اور دیگر صحابہ کرام رضوان اللہ علیہم اجمعین پڑھا کرتے تھے۔