حدیث حاشیہ:
پوری حدیث آگے باب الایمان والنذور میں مذکور ہوگی۔
اس سے آپ کی بہت عنایت اور محبت عمر ؓ پر معلوم ہوتی ہے۔

حدیث حاشیہ:
1۔
اس حدیث سے رسول اللہ ﷺ کی حضرت عمر ؓ سے بہت محبت اور ان پر آپ کی عنایت کا پتہ چلتا ہے کیونکہ رسول اللہ ﷺ یا ہاتھ پکڑنا ان سے کمال محبت کی دلیل ہے۔
2۔
امام بخاری ؒ نے اس جگہ پر یہ حدیث بہت اختصار سے بیان کی ہے،پوری حدیث اس طرح ہے کہ حضرت عمر ؓ نے ایک مرتبہ کہا:
اللہ کے رسول ﷺ!آپ مجھے میری جان کے سوا ہر چیز سے زیادہ محبوب ہیں۔
رسول اللہ ﷺ نے فرمایا:
”مجھے اس ذات کی قسم جس کے ہاتھ میں میری جان ہے!ایمان تو اس وقت کامل ہوگا جب تم اپنی جان سے بھی مجھے زیادہ محبوب خیال کرو گے۔
“ حضرت عمر ؓ نے فوراً کہا:
اللہ کے رسول ﷺ! آپ مجھے میری جان سے زیادہ عزیز ہیں۔
آپ نے فرمایا:
”اے عمر رضی اللہ تعالیٰ عنہ! اب ایمان کمال تک پہنچاہے۔
“ (صحیح البخاري، الأیمان والنذور، حدیث: 6632)
3۔
حضرت عمر ؓ کی شہادت کا واقعہ انتہائی دلدوز ہے۔
جس کی تفصیل آئندہ بیان ہوگی۔
حضرت مغیرہ بن شعبہ کے غلام ابولؤلؤ مجوسی نے زہرآلود خنجر سے تین دار کیے۔
جس سے آپ جانبر نہ ہوسکے زخمی ہونے کے کئی دنوں بعد انتقال فرمایا۔
سیدنا صہیب ؓ نے ان کی نماز جنازہ پڑھائی۔
رسول اللہ ﷺ اور حضرت ابوبکر ؓ کے ہمراہ سید عائشہ ؓ کے حجرے میں مدفون ہیں۔
آپ کی وفات 26 ذوالحجہ23 بمطابق 6اکتوبر 644ء کو ہوئی۔
۔
۔
رضي اللہ تعالیٰ عنه۔
۔
۔

حدیث حاشیہ:
(1)
امام بخاری رحمہ اللہ نے دوسرے مقام پر اس حدیث کو مفصل طور پر بیان کیا ہے۔
(صحیح البخاري، الأیمان والنذور، حدیث: 6632)
اہل لغت نے مصافحہ کی تعریف ان الفاظ میں کی ہے:
مصافحہ، باب مفاعلہ سے ہے۔
اس سے مراد ہتھیلی کا اندرونی حصہ دوسرے کی ہتھیلی کے اندرونی حصے سے ملانا ہے۔
(النھایة: 43/3)
امام بخاری رحمہ اللہ کی پیش کردہ حدیث سے بھی یہی صورت سامنے آتی ہے کیونکہ جب ہاتھ پکڑا جاتا ہے تو ایک ہاتھ کی ہتھیلی دوسرے کی ہتھیلی سے مل جاتی ہے۔
(فتح الباري: 67/11) (2)
رسول اللہ صلی اللہ علیہ وسلم کا حضرت عمر رضی اللہ عنہ کے ہاتھ کو پکڑنا مصافحہ ہی کی ایک صورت ہے، اس لیے امام بخاری رحمہ اللہ نے اس حدیث کو مصافحہ کے عنوان کے تحت بیان کیا ہے، چنانچہ ایک حدیث میں اس کی مزید وضاحت ہے۔
حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:
”جب دو مسلمان آپس میں ملتے ہیں اور ان میں ایک، اپنے دوسرے ساتھی کا ہاتھ پکڑتا ہے تو اللہ تعالیٰ پر یہ حق ہے کہ ان کی دعاؤں پر توجہ دے اور ان کے ہاتھ الگ الگ ہونے سے پہلے پہلے انھیں معاف کردے۔
“ (مسند أحمد: 142/3)