Note: Copy Text and paste to word file
موطا امام مالك رواية ابن القاسم
نماز کے مسائل
موذن کی فضیلت
حدیث نمبر: 72
433- وبه: أن رسول الله صلى الله عليه وسلم قال: ”بينما رجل يمشي بطريق إذ وجد غصن شوك على الطريق فأخره، فشكر الله له فغفر له. وقال: الشهداء خمسة: المطعون والمبطون والغرق وصاحب الهدم والشهيد فى سبيل الله. وقال: لو يعلم الناس ما فى النداء والصف الأول ثم لم يجدوا إلا أن يستهموا، عليه لاستهموا ولو يعلمون ما فى التهجير لاستبقوا إليه ولو يعلمون ما فى العتمة والصبح لآتوهما ولو حبوا.“
اور اسی سند کے ساتھ (سیدنا ابوہریرہ رضی اللہ عنہ سے) روایت ہے کہ رسول اللہ صلی اللہ علیہ وسلم نے فرمایا: ”ایک آدمی ایک راستے پر چل رہا تھا کہ اس نے راستے پر کانٹوں والی ٹہنی دیکھی تو اسے راستے سے ہٹا دیا۔ اللہ نے اس کی قدر دانی کی اور اسے بخش دیا۔“ اور آپ صلی اللہ علیہ وسلم نے فرمایا: ”پانچ قسم کے لوگ شہید ہیں: طاعون سے مرنے والا، پیٹ کی بیماری سے مرنے والا، ڈوب کر مرنے والا، مکان گرنے سے مرنے والا اور اللہ کے راستے میں شہید ہونے والا۔“ اور آپ صلی اللہ علیہ وسلم نے فرمایا: ”اگر لوگوں کو علم ہوتا کہ اذان اور پہلی صف میں کیا (ثواب) ہے، پھر وہ قرعہ اندازی کے سوا کوئی چارہ نہ پاتے تو قرعہ اندازی کرتے۔ اور اگر وہ جانتے کہ ظہر کی نماز کے لئے جلدی آنے میں کتنا (ثواب) ہے تو ایک دوسرے سے سبقت لے جانے کی کوشش کرتے اور اگر وہ جانتے کہ عشاء اور صبح کی نماز میں کیا (ثواب) ہے تو ضرور آتے اگرچہ انہیں گھٹنوں کے بل گھسٹ کر آنا پڑتا۔“
تخریج الحدیث: «433- متفق عليه، الموطأ (رواية يحييٰي بن يحييٰي 131/1 ح 291، ك 8 ب 2 ح 6) التمهيد 11/22، الاستذكار: 260، 261، و أخرجه البخاري (652-654) ومسلم (1914، 437) من حديث مالك به ببعض الاختلاف.»
قال الشيخ زبير على زئي: سنده صحيح
موطا امام مالک روایۃ ابن القاسم کی حدیث نمبر 72 کے فوائد و مسائل
حافظ زبير على زئي رحمه الله، فوائد و مسائل، تحت الحديث موطا امام مالك رواية ابن القاسم 72
تخریج الحدیث:
[وأخرجه البخاري 652، 654، ومسلم 1914، 437، من حديث مالك به ببعض الاختلاف]
تفقه:
➊ راستے سے تکلیف دہ چیزوں کو دور کرنا تاکہ لوگ ہر قسم کی ایذا سے محفوظ رہیں، ایسا عمل ہے جو جنت میں داخلے کا سبب ہے۔
➋ صرف میدانِ جنگ میں قتل ہونے والا ہی شہید نہیں ہوتا بلکہ طاعون، پیٹ کی بیماری، پانی میں ڈوبنے اور مکان گرنے سے مرنے والا بھی شہید ہے بشرطیکہ اس کا عقیدہ اور اعمال صحیح ہوں۔ نیز دیکھئے: الموطأ ح301
➌ اذان کہنے کی بڑی فضیلت ہے۔
➍ اگلی صف میں فرض نماز پڑھنے کا ثواب زیادہ ہوتا ہے۔
➎ عشاء اور صبح کی نمازیں باجماعت پڑھنے کا خاص اہتمام کرنا چاہئے۔
➏ سیدنا عثمان بن عفان رضی اللہ عنہ نے مسجد میں فرمایا: جو شخص عشاء کی نماز میں حاضر ہو تو گویا اس نے آدھی رات قیام کیا اور جو صبح کی نماز میں حاضر ہوا تو گویا اس نے ساری رات قیام کیا۔ [الموطأ 1/132 ح 293 ملخصاً وسنده صحيح، صحيح مسلم: 656، دارالسلام: 1491، مرفوعاً]
➐ نیکی کے کاموں سے گناہ معاف ہو جاتے ہیں۔
➑ نیکی کے کسی کام کو بھی حقیر نہیں سمجھنا چاہئے۔
[وأخرجه البخاري 652، 654، ومسلم 1914، 437، من حديث مالك به ببعض الاختلاف]
تفقه:
➊ راستے سے تکلیف دہ چیزوں کو دور کرنا تاکہ لوگ ہر قسم کی ایذا سے محفوظ رہیں، ایسا عمل ہے جو جنت میں داخلے کا سبب ہے۔
➋ صرف میدانِ جنگ میں قتل ہونے والا ہی شہید نہیں ہوتا بلکہ طاعون، پیٹ کی بیماری، پانی میں ڈوبنے اور مکان گرنے سے مرنے والا بھی شہید ہے بشرطیکہ اس کا عقیدہ اور اعمال صحیح ہوں۔ نیز دیکھئے: الموطأ ح301
➌ اذان کہنے کی بڑی فضیلت ہے۔
➍ اگلی صف میں فرض نماز پڑھنے کا ثواب زیادہ ہوتا ہے۔
➎ عشاء اور صبح کی نمازیں باجماعت پڑھنے کا خاص اہتمام کرنا چاہئے۔
➏ سیدنا عثمان بن عفان رضی اللہ عنہ نے مسجد میں فرمایا: جو شخص عشاء کی نماز میں حاضر ہو تو گویا اس نے آدھی رات قیام کیا اور جو صبح کی نماز میں حاضر ہوا تو گویا اس نے ساری رات قیام کیا۔ [الموطأ 1/132 ح 293 ملخصاً وسنده صحيح، صحيح مسلم: 656، دارالسلام: 1491، مرفوعاً]
➐ نیکی کے کاموں سے گناہ معاف ہو جاتے ہیں۔
➑ نیکی کے کسی کام کو بھی حقیر نہیں سمجھنا چاہئے۔
موطا امام مالک روایۃ ابن القاسم شرح از زبیر علی زئی، حدیث/صفحہ نمبر: 433
