فوائد ومسائل:
ایمان صرف زبانی اقرارنہیں اورنہ محض دل کی تصدیق کا نام ہے، بلکہ زبان کے اقرار، دل کی تصدیق اور اعضاء سے عمل کے مجموعے کوایمان کہا گیا ہے۔
اس قصے میں حج کا ذکر اس لئے نہیں کہ اس وقت تک حج فرض نہیں ہوا تھا۔

تخریج الحدیث:
[صحیح بخاری 53]،
[صحيح مسلم 115،116]

فقہ الحدیث
➊ حصول علم اور جنت میں جانے کا جذبہ کس قدر صادق ہے کہ ہر قسم کی آزمائش کو بالائے طاق رکھتے ہوئے میلوں کا سفر طے کیا، اسی طرح معرفت حق کے بعد دوسرے تک پہنچانے کا جذبہ بھی لائق تحسین ہے۔ سبحان اللہ
➋ اس حدیث میں واضح ثبوت ہے کہ اعمال ایمان میں داخل ہیں۔ نبی صلی اللہ علیہ وسلم نے نماز، زکوٰۃ، روزوں اور مال غنیمت کی ادائیگی کو ایمان میں سے قرار دیا ہے۔ اس فرمان نبوی کے سراسر برعکس گمراہ فرقہ مرجیہ یہ عقیدہ رکھتا ہے کہ اعمال ایمان سے خارج ہیں۔!!
➌ سلام و کلام کے بعد مہمانوں کو خوش آمدید کہنا صحیح ہے۔ نیز شبہات سے بچنے میں ہی احتیاط ہے۔
➍ نبی صلی اللہ علیہ وسلم کی احادیث یاد کر کے دوسرے لوگوں تک پہنچانا جنت میں داخلے کے اسباب میں سے ایک سبب ہے۔ اس حدیث سے محدثین کرام کی زبردست فضیلت ثابت ہوتی ہے۔
➎ سیدنا بریدہ رضی اللہ عنہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”میں نے تمہیں تین باتوں سے منع کیا تھا، اب میں تمہیں ان کے بارے میں حکم دیتا ہوں، میں نے تمہیں قبروں کی زیارت سے روکا تھا، اب ان کی زیارت کو چلے جایا کرو، یقیناً ان کی زیارت میں عبرت اور نصیحت ہے۔ میں نے تمہیں چمڑے کے برتنوں کے علاوہ کئی برتنوں میں پینے سے روکا تھا، تو (اب) ہر قسم کے برتنوں میں پی سکتے ہو لیکن کوئی نشہ آور چیز مت پیو۔ میں نے تمہیں قربانی کا گوشت تین دن کے بعد استعمال کرنے سے روکا تھا، اب اسے کھا سکتے ہو اور اپنے سفروں میں اس سے فائدہ اٹھاؤ۔“ [صحيح مسلم: 977، سنن ابي داود: 3298وللفظ له]
اس حدیث سے معلوم ہوتا ہے کہ مذکورہ بالا حدیث میں جو ممانعت وارد ہوئی ہے وہ منسوخ ہے۔ واللہ اعلم
➏ بعض اوقات مومن کمزور بھی ہو سکتا ہے، مگر اسے ہر حال میں کتاب و سنت پر ڈٹا رہنا چاہیے۔

� تشریح:
یہاں بھی مرجیہ کی تردید مقصود ہے۔
شیخ الحدیث حضرت مولانا عبیداللہ مبارک پوری رحمہ اللہ فرماتے ہیں:
«ومذهب السلف فى الايمان من كون الاعمال داخلة فى حقيقته فانه قد فسرالاسلام فى حديث جبرئيل بما فسربه الايمان فى قصة وفدعبدالقيس فدل هذا على ان الاشياءالمذكورة وفيها اداءالخمس من اجزاءالايمان وانه لا بدفي الايمان من الاعمال خلافا للمرجئة۔» [مرعاة، جلد اول، ص: 45]
یعنی سلف کا مذہب یہی ہے کہ اعمال ایمان کی حقیقت میں داخل ہیں آنحضرت صلی اللہ علیہ وسلم نے حدیث جبرئیل علیہ السلام (مذکورہ سابقہ) میں اسلام کی جو تفسیر بیان فرمائی وہی تفسیر آپ نے وفد عبدالقیس کے سامنے ایمان کی فرمائی۔ پس یہ دلیل ہے کہ اشیاء مذکورہ جن میں مال غنیمت سے خمس ادا کرنا بھی ہے یہ سب اجزاء ایمان سے ہیں اور یہ کہ ایمان کے لیے اعمال کا ہونا لابدی ہے۔ مرجیہ اس کے خلاف ہیں۔ (جو ان کی ضلالت و جہالت کی دلیل ہے)۔

جن برتنوں کے استعمال سے آپ نے منع فرمایا ان میں عرب کے لوگ شراب رکھا کرتے تھے۔ جب پینا حرام قرار پایا تو چند روز تک آنحضرت صلی اللہ علیہ وسلم نے ان برتنوں کے استعمال کی بھی ممانعت فرما دی۔

یادرکھنے کے قابل:
یہاں حضرت مولانامبارک پوری رحمہ اللہ نے ایک یاد رکھنے کے قابل بات فرمائی ہے۔ چنانچہ فرماتے ہیں:
«قال الحافظ وفيه دليل على تقدم اسلام عبدالقيس على قبائل الذين كانوا بينهم وبين المدينة ويدل على سبقهم الي الاسلام ايضا مارواه البخاري فى الجمعة عن ابن عباس قال ان اول جمعة جمعت بعدجمعة فى مسجد رسول الله صلى الله عليه وسلم صلى الله عليه وسلم فى مسجد عبدالقيس بجواثي من البحرين وانما جمعوا بعدرجوع وفدهم اليهم فدل على انهم سبقوا جميع القريٰ الي الاسلام انتهي واحفظه فانه ينفعك فى مسئلة الجمعة فى القريٰ۔» [مرعاة، جلد: اول، ص: 44]
یعنی حافظ ابن حجر رحمہ اللہ نے کہا کہ اس حدیث میں دلیل ہے کہ عبدالقیس کا قبیلہ مضر سے پہلے اسلام قبول کر چکا تھا جو ان کے اور مدینہ کے بیچ میں سکونت پذیر تھے۔ اسلام میں ان کی سبقت پر بخاری کی وہ حدیث بھی دلیل ہے جو نماز جمعہ کے بارے میں حضرت ابن عباس رضی اللہ عنہما سے منقول ہے کہ مسجد نبوی میں اقامت جمعہ کے بعد پہلا جمعہ جواثی نامی گاؤں میں جو بحرین میں واقع تھا، عبدالقیس کی مسجد میں قائم کیا گیا۔ یہ جمعہ انہوں نے مدینہ سے واپسی کے بعد قائم کیا تھا۔ پس ثابت ہوا کہ وہ دیہات میں سب سے پہلے اسلام قبول کرنے والے ہیں۔ اسے یاد رکھو یہ گاؤں میں جمعہ ادا ہونے کے ثبوت میں تم کو نفع دے گی۔

� تشریح:
نوٹ: یہ حدیث کتاب الایمان کے اخیر میں گزر چکی ہے۔ حضرت امام نے اس سے ثابت فرمایا ہے کہ استاد اپنے شاگردوں کو تحصیل علم کے لیے ترغیب و تحریص سے کام لے سکتا ہے۔ مزید تفصیل وہاں دیکھی جائے۔

حدیث حاشیہ:
دبا کدو کی تونبی اور نقیر کریدی لکڑی کے برتن‘ حنتم سبز لاکھی برتن‘ اور مزفت روغنی برتن‘ یہ سب شراب رکھنے کیلئے استعمال کئے جاتے تھے۔
اس لئے ان سب کو دور پھینک دینے کا آپ ﷺ نے حکم فرمایا۔
خمس کی ادائیگی کاخاص حکم دیا۔
یہی باب سے وجہ مناسبت ہے۔

حدیث حاشیہ:
یہ حدیث کتاب الایمان میں گزر چکی ہے، اور اسی کتاب المناقب کے شروع میں اس حدیث کا کچھ حصہ اور اس کے الفاظ کے معانی و مطالب بھی آچکے ہیں، باب کی مناسبت یہ ہے کہ آخر عرب کے لوگ یا تو ربیعہ کی شاخ ہیں یا مضر کی اور یہ دونوں حضرت اسماعیل کی اولاد ہیں، بعد میں یہ جملہ قبائل مسلمان ہوگئے تھے۔

حدیث حاشیہ:
یہ ایلچی دوبار آئے تھے۔
پہلی باربارہ تیرہ آدمی تھے اور دوسری بار میں چالیس تھے۔
آنحضرت ﷺ نے ان کے پہنچنے سے پہلے صحابہ ؓ کو ان کے آنے کی خوشخبری بذریعہ وحی سنا دی تھی۔
ان بر تنوں سے اس لیے منع فرمایا کہ ان میں نبیذ کو ڈالاجاتا اور وہ جلد سڑکر شراب بن جایا کرتی تھی۔
اس سے شراب کی انتہائی برائی ثابت ہوئی کہ اس کے برتن بھی گھروں میں نہ رکھے جائیں۔
افسوس ان مسلمانوں پر جو شراب پیتے بلکہ اس کا دھند ا کر تے ہیں۔
اللہ ان کو توبہ کرنے کی توفیق عطاکرے۔
(آمین)

حدیث حاشیہ:
یہاں حضرت اما م بخاری اس حدیث کو اس لیے لائے کہ اس میں ایمان کوعمل فرمایا توایمان بھی اور اعمال کی طرح مخلوق الہی ہو گا۔

حدیث حاشیہ:
ہر دو احادیث میں لفظ مرحبا بزبان رسالت مآب صلی اللہ علیہ وسلم مذکور ہے، دباء، کدو کی تو نبی، حنتم سبز لاکھی مرتبان، نقیر لکڑی کے کریدے ہوئے برتن، مزفت رال لگے ہوئے برتنوں کو کہا گیا ہے۔
یہ برتن عموماً شراب رکھنے کے لئے مستعمل تھے جن میں نشہ اور بڑھ جاتا تھا، اس لئے شراب کی حرمت کے ساتھ ان کو ان برتنوں سے بھی بند کر دیا گیا۔
ایسے حالات آج بھی ہوں تو یہ برتن کام میںلانا منع ہیں ورنہ نہیں۔

حدیث حاشیہ:
مقیر یعنی قار لگا ہوا قارورہ روغن ہے جو کشتیوں پر ملا جاتا ہے۔
ترجمہ باب اسی فقرے سے نکلتا ہے کہ اپنے ملک والوں کو پہنچا دو کیونکہ یہ عام ہے۔
ایک شخص بھی ان میں کا یہ باتیں دوسرے کو پہنچا سکتا ہے۔
اسی سے خبر واحد کا حجت ہونا ثابت ہوا۔
دباء کدو کا توبنا‘ حنتم سبز لاکھی اور اور رال کا برتن‘ نقیر کریدی ہوئی لکڑی کا برتن۔
اس وقت ان برتنوں میں شراب بنائی جاتی تھی اس لیے آپ نے ان برتنوں کے استعمال سے بھی روک دیا‘ اب یہ خطرات ختم ہیں۔

حدیث حاشیہ:
یہ حدیث کتاب الإیمان کے اخیر میں گزر چکی ہے۔
حضرت امام نے اس سے ثابت فرمایا ہے کہ استاد اپنے شاگردوں کو تحصیل علم کے لیے ترغیب وتحریص سے کام لے سکتا ہے۔
مزید تفصیل وہاں دیکھی جائے۔

اردو حاشہ:
(1) یہ حدیث مبارکہ شہادتین کے اقرار کے ساتھ ساتھ اقامت نماز، ادائیگی زکاۃ، رمضان المبارک کے روزے رکھنے اور مال عنیمت میں سے خمس ادا کرنے کی اہمیت واضح کرتی ہے، نیز یہ بھی رہنمائی کرتی ہے کہ مال غنمیت سے خمس نکالنا ضروری ہے، خواہ مال تھوڑا ہویا زیادہ۔
(2) ”ربیعہ کی نسل سے ہیں“ مضر اور ربیعہ دوبھائی تھے۔ قریش مکہ مضر کی اولاد سےتھے اور یمنی لوگ ربیعہ کی۔ عبد القیس بھی یمنی تھے۔ ان کو روکتے تھے جس کے بارے میں شبہ ہوتا تھا کہ وہ رسول اللہ صلی اللہ علیہ وسلم کے پاس جارہا ہے۔ ویسے بھی مضر قبائل ربیعہ کے قبیلوں کواپنا دشمن خیال کرتے تھے اور ان کے قتل اور لوٹ مار کو جائز سمجھتے تھے، اس لیے وہ حرمت والے مہینے کے علاوہ امن وامان سےنہیں گزر سکتے تھے۔(باقی بحث گزر چکی ہیں۔)

فوائد ومسائل:
1۔
حق کی معرفت لازمی طور پر اس بات کا تقاضا کرتی ہے۔
کہ انسان اس پر کاربند ہو اور دوسروں کو اس کی دعوت دے اور یہی فطرت سلیمہ ہے۔
جیسے کہ ان لوگوں نے اپنی ابتدائی گفتگو میں از خود اس کا اظہار کیا۔

2۔
دین واحکام کچھ احکام اور کچھ نواہی پر مشتمل ہے جس کی پاسداری کے بغیر اسلام اور دین مکمل نہیں ہوسکتا۔

اردو حاشہ:
وضاحت:
1؎:
حرمت والے مہینے چار ہیں:
رجب،
ذی قعدہ،
ذی الحجہ اور محرم،
چونکہ زمانہ جاہلیت میں ان مہینوں کو چھوڑ کر باقی دوسرے مہینوں میں جنگ و جدال جاری رہتا تھا،
اسی لیے قبیلۂ عبدقیس کے وفد کے لوگوں نے آپ ﷺ سے دوسرے مہینوں میں آپ تک نہ پہنچ سکنے کی معذرت کی اور آپﷺ سے دین کی اہم اور بنیادی باتیں پوچھیں۔

حدیث حاشیہ:
مفردات الحدیث:
(1)
وفد:
وافد کی جمع ہے،
کسی قوم یا قبیلہ کے ان منتخب لوگوں کو کہتے ہیں جو کسی ضروری کام کے لیے کسی صاحب اختیار و اقتدار کی ملاقات کے لیے بھیجے جاتے ہیں۔
عبدالقیس:
یہ ایک آدمی کا نام ہے،
اس کی اولاد،
اس کی طرف منسوب ہوئی اور یہ ربیعہ کی ایک شاخ ہے،
ربیعہ بن فزار بن سعد،
اور مضر بن نزار بن معد دونوں بھائی تھے۔
عبدالقیس کے لوگ بحرین کے علاقہ میں رہتے تھے،
ان کا ایک وفد 112 افراد پر مشتمل 6 ہجری میں آیا اور دوسرا 140 افراد پر مشتمل 8 ہجری میں آیا،
پہلے وفد کا قائد منذر بن عائذ تھا آپ نے اس کو اشج کے نام سے پکارا۔
(2)
غنيمت:
وہ مال جو دشمن پر غالب آنے کی صورت میں اس سے حاصل ہو۔
(3)
الُّدبَّاء:
کدو کے خشک ہونے کے بعد،
اس کے گودے کو نکال کر جو تونبہ بنایا جاتا ہے۔
(4)
النَّقِير:
کھجور کے نچلے حصہ کو کرید کر برتن بنایا جاتا ہے گویا کریدی ہوئی لکڑی کا برتن۔
(5)
الحَنْتْم:
سبز روغن کا گھڑا،
بعض نے مطلقاً روغن گھڑا کہا ہے،
تو بعض مصری روغنی گھڑا،
یا لال رنگ گھڑا۔
(6)
مُقَيَّرُ:
قار سے ماخوذ ہے،
رال یا تارکول چڑھا ہوا برتن،
اسی کو دوسری روایت میں مزفت کا نام دیا گیا ہے جو زفت سے ماخوذ ہے اور مُقَيَّرُ کا ہم معنی ہے۔
فوائد ومسائل:
1- شھر الحرام:
اہل عرب کے ہاں حضرت ابراہیم علیہ السلام کے وقت سے چار ماہ محترم اور معزز خیال کیے جاتے تھے،
ان چار مہینوں میں جنگ وجدال اور قتل وغارت کو ممنوع سمجھا جاتا تھا اور لوگ امن وامان سے سفر کر سکتے تھے،
ذوالقعدہ،
ذوالحجہ اور محرم،
حج کےلیے مخصوص تھے اور رجب،
عمرہ کےلیے الشھر میں الف لام اگر عہد خارجی کےلیے ہوتو اس سے مراد،
رجب مراد ہوگا،
اور مضری لوگ رجب کی باقی مہینوں سے زیادہ تعظیم کرتے تھے،
اس لیے بعض حدیثوں میں رجب کی اضافت مضر کی طرف کرکے رجب مضر کے الفاظ آئے ہیں،
اگر مراد جنس ہوتو اس سے چاروں مہینے مراد ہوں گے۔
آگے آنے والے اشھر الحرم کے الفاظ سے اس کی تائید ہوتی ہے۔
2۔
آمُرُكُمْ بِأَرْبَعٍ:
میں تمہیں چار باتوں کا حکم دیتا ہوں،
لیکن جب آپ نے حکم دیا تو صرف ایمان باللہ کا حکم دیا اور اس کی تفسیر میں امور اربعہ (چار باتیں)
بیان فرمائیں،
اس کا جواب یہ ہے کہ ایک چیز جب متعدد اجزا سے مرکب ہوتی ہے اور اوہ اجزا،
الگ الگ،
ایک مستقل حیثیت بھی رکھتے ہیں تو اس کے اجزا کے تعدد کا لظاظ رکھتے ہوئے،
اس کو متعدد بھی شمار کر سکتے ہیں اور مجہوعہ کی حیثیت سے ایک بھی جیسا کہ بعض اہل علم کے مختلف رسائل کو یکجا کر دیا جاتا ہے تو ہو ایک کتاب بن جاتے ہیں،
اور اپنی الگ الگ،
مستقل حیثیت کے اعتبار سے متعدد اسلام کے پانچ ارکان،
الگ الگ پانچ ہی شمار ہوتے ہیں اور ان کا مجموعی نام،
اسلام ایک ہی ہے،
یہی حال ایمان کے چھ ارکان کا ہے۔
اسی طرح اس حدیث میں،
ایمان باللہ کی تفسیر میں جو اشیاء بیان ہوئی ہیں،
وہ مجموعی اعتبار سے ایک ہیں اور اپنی الگ الگ حیثیت سے چار۔
اس لیے خلف بن ہشام نے شہادۃ ان لا الہ الا اللہ کا تذکرہ کرنے کے بعد عقد واحدہ ایک انگلی ہاتھ سے ملا کر ایک شمار کیا۔
ربیعہ،
مضر،
انماز اور زید چار بھائی تھے ان میں ربیعہ اور مضر کو بہت شہرت ملی قریش آپ کا قبیلہ مضر کی اولاد سے ہے۔

حدیث حاشیہ:
مفردات الحدیث:
(1)
أُتَرْجِمُ:
میں ترجمانی کرتا تھا،
ایک کی بات دوسرے کو سمجھانا،
ایک زبان سے دوسری زبان میں ترجمہ کرنا۔
(2)
نَبِيْذ:
انگور یا کھجوروں کو پانی میں بھگونا،
تاکہ جب ان کا اثر پانی میں منتقل ہو جائے تو اس کو پی لیا جائے۔
اگر اس میں سکر (نشہ)
پیدا ہو جائے،
تو پھر اس کا پینا جائز نہیں ہو گا۔
(3)
جَرٌّ:
جَرَّةٌ کی جمع ہے،
مٹکا،
گھڑا۔
(4)
مَرْحَبا:
رَحْب دوست،
کشادگی سے ماخوذ ہے،
کسی کی آمد پر مسرت و خوشی کا اظہار کرنا،
اس کو خوش آمدید کہنا۔
(5)
خَزَايَا:
خَزْيَان کی جمع ہے،
رسوا ذلیل۔
(6)
نَدَامَي:
نَدمان کی جمع ہے جو نادم شرمندہ،
پشیمان کے معنی میں ہے۔
(7)
شُقَّة:
شین کے ضمہ اور کسرہ کے ساتھ،
ضمہ (پیش)
کے ساتھ بہتر ہے،
دور کی یا طویل مسافت۔
فوائد ومسائل:
1۔
ایمان باللہ کی تفسیر وتفصیل میں آپ نے پانچ چیزوں کا تذکرہ فرمایا ہے حالانکہ آپ نے چار چیزوں کا حکم دینے کا کہا تھا اس کا جواب یہ ہے:
(1)
آپ (ﷺ) نے چار چیزوں کے لیے کہا تھا،
لیکن ربیعہ کا مضری کا فروں سے مقابلہ تھا،
اس لیے ان سے جہاد کا امکان تھا اور جہاد میں دشمن پر غلبہ وفتح کی صورت میں ما ل غنیمت حاصل ہو سکتا ہے،
اس لیے اسلوب کلام بدلتے ہوئے موقعہ محل کی مناسبت سے انہیں غنیمت کا حکم بھی بتا دیا،
اور اس کا انہیں خصوصی مخاطب بنایا (أن تودوا،
تم ادا کرو)
- (ب)
ادائے خمس،
زکاۃ ہی کا ایک شعبہ یا حصہ ہے،
الگ یا مستقل نہیں،
اس لیے زکاۃ ہی میں داخل ہوگا۔
(ج)
ادائے خمس کا عطف ایمان باللہ یا لفظ صلاۃ،
صوم اور زکاۃ پر نہیں ہے بلکہ امرکم باربع پر ہے کہ چار چیزوں کے حکم کے ساتھ جو عام ہیں سب کےلیے ہیں)
تمہیں خصوصی طور پر ادائے خمس کا حکم دیتا ہوں۔
چار برتنوں میں خصوصی طور پر نبیذ تیار کرنے کی ممانعت کا سبب یہ ہے کہ لوگ ان برتنوں میں شراب تیار کرتے تھے اور ان میں نشہ جلد پیدا ہو جاتا تھا،
اس لیے شراب کی حرمت کے بعد ان میں نبیذ تیار کرنے سے منع کر دیا گیا،
تاکہ ان برتنوں کو دیکھ کر شراب کا خیال نہ آئے اور بے خبری یاغفلت وسستی سے غیر شعوری طور پر نبیذ میں نشہ پیدا ہو جانے کے بعد اس کو پی نہ لیا جائے لیکن جب شراب کی حرمت پر ایک عرصہ گزر گیا اور اس سے نفرت دلوں میں راسخ ہوگئی تو پھر ان برتنوں میں نبیذ بنانے کی اجازت دے دی گئی اور بتا دیا گیا کہ اس کو نشہ آور ہونے کے بعدنہ پینا جیسا کہ آگے حضرت بریدہ کی حدیث ارہی ہے،
ابن عمر،
ابن عباس رضی اللہ عنہم اور امام مالک ؒ،
امام احمد ؒ،
اسحاق ؒ کے نزدیک ان میں نبیذ بنانے کی حرمت اب بھی موجود ہے۔
(شرح مسلم: 1/34)
لیکن ان کی یہ بات درست نہیں ہے۔

حدیث حاشیہ:
1۔
امام بخاری رحمۃ اللہ علیہ کا مقصود ہےکہ جو اشیاء اجزا ئے ایمان ہیں، ان کے لیے ضروری نہیں کہ ان کا تعلق ایمان کے ساتھ ہمیشہ ہمیشہ کے لیے ہو کیونکہ ادائے خمس ایک ایسی چیز ہے جس کا تعلق مستقل نہیں بلکہ جب مال غنیمت ہو گا تو اس سے خمس ادا کرنے کی ضرورت پڑے گی، نیز حدیث وفد عبدالقیس میں ایمان کے متعلق جو اجزاء بیان ہوئے ہیں ان پر امام بخاری رحمۃ اللہ علیہ جستہ جستہ عنوان قائم کر چکے ہیں، صرف ادائے خمس باقی تھا جس پر اب عنوان قائم کیا ہے۔
2۔
اس حدیث میں کچھ مامورات ہیں اور کچھ منہیات ہیں۔
مامورات کے متعلق اجمالاً چار چیزوں کا حکم ہے لیکن شمار کرنے میں پانچ ہیں یعنی شہادت،نماز، زکاۃ، روزہ اور ادائے خمس، دراصل بات یہ ہے کہ رسول اللہ صلی اللہ علیہ وسلم نے چار چیزوں کا حکم دیا اور چار ہی سے منع فرمایا اور ان دونوں کے دو دو درجے قائم کیے، ایک اجمال کا دوسرا تفصیل کا، امر کے سلسلے میں اجمال کا درجہ شہادت ہے جس کی تفصیل میں چار امر ذکر کیے گئے اور (نَهی)
کے سلسلے میں اجمال یہ ہے کہ آپ نے مسکرات سے منع فرمایا ہے۔
اس کی تفصیل میں ان چار برتنوں کے استعمال سے منع فرمایا:
جن میں شراب کشید کی جاتی تھی یا ان میں اسے محفوظ کیا جاتا تھا۔
3۔
حدیث جبرائیل میں جو چیزیں اسلام کے متعلق بیان فرمائیں وہی چیزیں حدیث عبد القیس میں ایمان کے متعلق ذکر کیں، جس کا مطلب یہ ہے کہ شریعت کی نظر میں اسلام اور ایمان ایک ہی چیز کے دو نام ہیں اور یہ سب چیزیں داخل ایمان ہیں ان کے بغیر ایمان کی تکمیل نہیں ہوتی۔
مال غنیمت سے خمس ادا کرنا بھی جزو ایمان ہے۔
اس سے مرجیہ کی تردید ہوتی ہے جو ایمان و تصدیق کے بعد اعمال کو کوئی حیثیت نہیں دیتے۔
4۔
حضرت ابن عباس رضی اللہ عنہما نے ابو جمرہ کو اپنے ہاں قیام کرنے کی پیش کش فرمائی، پھرانھیں وظیفہ دینے کا وعدہ فرمایا، اس اعزاز واکرام کی چند ایک وجوہات تھیں:
(1)
حضرت ابن عباس رضی اللہ عنہما بصرے کے گورنر تھے اور ان کے پاس ہر قسم کے مقدمات آتے تھے۔
انھیں اس سلسلے میں فارسی زبان میں سماعت کی بھی ضرورت رہتی تھی۔
حضرت ابو جمرہ فارسی جانتے تھے۔
حضرت ابن عباس رضی اللہ عنہما ان سے ترجمان کا کام لینا چاہتے تھے۔
(2)
خود ابو جمرہ بیان کرتے ہیں کہ اس شفقت و مہربانی کی وجہ ایک خواب تھا، فرماتے ہیں کہ میں نے حج تمتع کا احرام باندھا، لوگوں نے اعتراض کیا تو میں نے اس کے متعلق حضرت ابن عباس رضی اللہ عنہما سے فتوی دریافت کیا۔
آپ نے فرمایا کہ درست ہے، پھر میں نے خواب میں یہ آواز سنی کہ حج مبرور اور عمرہ مقبول۔
میں نے اس کا تذکرہ ابن عباس رضی اللہ عنہما سے کیا تو آپ نے فرمایا:
رسول اللہ صلی اللہ علیہ وسلم کی سنت ہے۔
اس بنا پر حضرت ابن عباس رضی اللہ عنہما نے اپنے ہاں اقامت اور وظیفےکی پیش کش فرمائی۔
(صحیح البخاري، الحج، حدیث: 1587)
5۔
قبیلہ عبدالقیس بحرین میں آباد تھا۔
وہاں منقذ بن حبان کے ذریعے سے اسلام پہنچا جو بحرین سے مدینہ منورہ بغرض تجارت کپڑا لائے تھے۔
رسول اللہ صلی اللہ علیہ وسلم ان کے پاس گئے۔
بحرین اور اہل بحرین کے حالات دریافت کیے۔
آپ نے اسلام پیش کیا، وہ مسلمان ہوگئے۔
اور رسول اللہ صلی اللہ علیہ وسلم سے سورۃ فاتحہ اور ﴿اقْرَأْ بِاسْمِ رَبِّكَ الَّذِي خَلَقَ﴾ سیکھیں اور آپ نے قبیلہ عبد القیس کے نام ایک خط بھی دیا گھر واپس پہنچے چند دن ایمان کو چھپائے رکھا نماز کا وقت ہوتا تو گھر میں پڑھ لیتے، ان کی بیوی نے اپنے باپ منذر بن عائذ الاشج سے ان کا ذکر کیا، جب سسر نے اپنے داماد سے حقیقت حال دریافت کی تو پوری داستان سنا دی۔
یہ بھی مسلمان ہوگئے۔
پھر ان کی تبلیغ سے ایک جماعت نے اسلام قبول کر لیا اور 6 ہجری میں بارہ حضرات کا وفد رسول اللہ صلی اللہ علیہ وسلم کی خدمت میں حاضر ہوا۔
پھر 8 ہجری میں چالیس افراد پر مشتمل دوسرا وفد حاضر ہوا جن کا واقعہ متعلقہ حدیث میں مذکورہے۔
(فتح الباري: 173/1)
مسجد نبوی میں اقامت جمعہ کے بعد پہلا جمعہ جواثی نامی گاؤں میں شروع کیا گیا جو بحرین میں واقع تھا اور یہ مسجد عبدالقیس ہی میں شروع ہوا تھا۔
(صحیح البخاري، الجمعة، حدیث: 892)
6۔
حرمت والے مہینوں سے مراد رجب، ذوالقعدہ، ذوالحجہ اور محرم ہیں۔
کفار ان کی بے حد تعظیم کرتے تھے اور ان مہینوں میں کسی دوسرے پر دست درازی کرنے سے باز رہتے تھے۔
اس حدیث سے معلوم ہوا کہ آنے والے مہمان کو خوش آمدید کہنا اور خندہ پیشانی سے ملنا اسلامی ادب ہے نیز ایک مسلمان کے لیے یہ بھی ضروری ہے کہ وہ ایمان و علم کی باتوں کو اپنے سینے میں محفوظ کرکے اسے دوسروں تک پہنچائے۔
(صحیح البخاري، العلم، حدیث: 87)
7۔
جن برتنوں میں شراب سازی منع تھی وہ یہ ہیں:
حنتم:
”سبز مٹکا“ دُبا:
”کدو کو اندر سے صاف کر کے پیالہ سا بنا لیا جاتا تھا۔
“نقیر:
”لکڑی کے کھودے ہوئے لگن“ مزفت:
”تار کول سے روغن کیے ہوئے برتن۔
“ یہ امتناعی حکم پہلے پہلے تھا، بعد میں اسے منسوخ کردیا گیا۔
فرمان نبوی ہے:
”میں نے تمھیں مخصوص برتنوں میں نبیذ بنانے سے منع کیا تھا۔
اب تم ہر برتن میں نبیذ بنا سکتے ہو، لیکن نشہ آور سے اجتناب کرنا ہے۔
“ (صحیح مسلم، الأشربة، حدیث: 5207 (977بعد 1999)

حدیث حاشیہ:
1۔
امام بخاری رحمۃ اللہ علیہ کامقصد یہ ہے کہ تعلیم کو اپنی ذات کی حد تک محدود نہیں رکھنا چاہیے بلکہ اسے دوسروں تک پہنچانا چاہیے۔
اس مقصد کے لیے انھوں نے دو حدیثیں بیان فرمائی ہیں:
ایک حضرت مالک بن حویرث رضی اللہ تعالیٰ عنہ کا بیان جسے امام بخاری رحمۃ اللہ علیہ نے موصولاً بھی بیان کیا ہے۔
وہ فرماتے ہیں:
ہم رسول اللہ صلی اللہ علیہ وسلم کی خدمت میں حاضر ہوئے تقریباً بیس دن تک آپ کے ہاں قیام کیا جب ہم نے کہا ہم گھر جاناچاہتے ہیں تو آپ نے فرمایا:
”جاؤ،اپنے گھر والوں کونماز کی تعلیم دو، نیزاس طرح نماز پڑھو جس طرح تم نے مجھے نماز پڑھتے دیکھا ہے۔
“ (صحیح البخاري، الأذان، حدیث: 631)
دوسری حدیث وفد عبدالقیس والی ہے جس کی تفصیلات پہلے بھی حدیث: 53 کے تحت گزر چکی ہیں۔
آپ نے مامورات اور منہیات کی تعلیم دینے کے بعد فرمایا کہ ایمان کی باتوں کو اچھی طرح یاد رکھیں اور انھیں اپنے پس ماندگان تک پہنچا دیں۔
2۔
رسول اللہ صلی اللہ علیہ وسلم نے شراب سازی کے چار برتنوں کے استعمال سے انھیں منع فرمایا جس کی تفصیل یہ ہے:
دباء:
کدو سے تیارکردہ پیالے۔
حنتم:
بڑے بڑے مٹکے۔
مزفت:
تارکول سے رنگے ہوئے روغنی برتن۔
نقیر:
لکڑی سے تراشے ہوئے لگن۔
حدیث میں تین برتنوں کا ذکر ہوا ہے، اس لیے شعبہ کا بیان ہے کہ ابو جمرہ کبھی کبھی ان کے ساتھ نقیر کا بھی ذکر کرتے تھے۔
مزید وضاحت فرمائی کہ ابوجمرہ کبھی لفظ مزفت استعمال کرتے اور کبھی اس کے بجائے مقیر کہتے۔
دونوں کے معنی میں کوئی فرق نہیں۔
ایسا کبھی نہیں ہوا کہ دونوں الفاظ ترک کردیے ہوں۔
ایسا صرف نقیر میں ہوا کہ کبھی اس کا ذکر نہیں کیا۔
3۔
اس سے یہ بھی معلوم ہوا کہ تبلیغ کے لیے پورا عالم دین ہونا ضروری نہیں، کیونکہ رسول اللہ صلی اللہ علیہ وسلم نے جن لوگوں کو تبلیغ کا حکم دیا تھا وہ تمام دینی باتوں سے واقف نہ تھے بلکہ انھیں صرف چار باتوں کا حکم دیا تھا اور چار ہی باتوں سےمنع کیا تھا۔
ایک حدیث میں تبلیغ کا حکم دیا گیا ہے۔
خواہ وہ ایک قرآنی آیت ہی ہو۔
اس سے شبہ ہوتا ہے کہ شاید آیات قرآنی ہی کی تبلیغ مقصود ہے۔
امام بخاری رحمۃ اللہ علیہ نے اس مؤقف کی تردید کی اور فرمایا کہ ہر چیز کی تبلیغ کرو، خواہ قرآنی آیت ہو یا حدیث نبوی۔
4۔
واضح رہے کہ جن برتنوں کے استعمال کےمتعلق یہاں پابندی کا ذکر ہے، اسے بعد میں رسول اللہ صلی اللہ علیہ وسلم نے ختم کر دیا تھا۔
(صحیح مسلم، الأشربة، حدیث: 5207(977)

حدیث حاشیہ:
(1)
باب کے ساتھ حدیث کی مناسبت اس طرح ہے کہ آیت مبارکہ میں نفئ شرک کو اقامتِ صلاۃ کے ساتھ ذکر کیا گیا ہے اور مذکورہ حدیث میں توحید اور اقامت صلاۃ کو اکٹھا بیان کیا گیا ہے، ایمان اور ترک شرک ایک ہی چیز ہے۔
(عمدة القاري: 9/4) (2)
عرب کے دو خاندان ربیعہ اور مضر دور جاہلیت ہی سے ایک دوسرے کے دشمن چلے آرہے تھے۔
ظہور اسلام کے بعد ربیعہ قبیلہ مسلمان ہوگیا۔
انھیں مدینہ طیبہ آنے کے لیے مضر قبیلے کے پاس سے ہو کرگزرنا پڑتا تھا۔
خونریزی اور باہمی جنگ وقتال سے بچنے کے لیےوہ صرف حرمت والے مہینوں میں ہی سفر کرسکتے تھے، کیونکہ ان کااحترام تمام اہل عرب کرتے تھے۔
حدیث میں وفد عبدالقیس نے اپنی اسی مجبوری کا ذکر کیا ہے۔
(3)
عرب لوگ شراب کے رسیا تھے اور شراب کے لیے مندرجہ ذیل برتنوں کو استعمال کرتے تھے:
٭دباء:
خشک کدو، جسے صاف کرکے بطور برتن استعمال کیا جاتا تھا۔
٭حنتم:
سرخی مائل سبز رنگ کا روغنی مرتبان۔
٭ مقير:
تار کول سے روغن کیا ہوا برتن۔
٭نقير:
کھجور کے تنے کوکرید کر تیار کردہ ایک برتن۔
ان برتنوں میں شراب رکھنے سےاس کا نشہ دوآتشہ بلکہ سہ آتشہ ہوجاتا۔
جب شراب کو حرام کردیا گیا تو سد ذرائع کے طور پران برتنوں کا استعمال بھی ممنوع کردیا۔
جسےبعد میں منسوخ کردیا کہ ان برتنوں کے استعمال میں اب کوئی حرج نہیں۔
(4)
حدیث میں ہے کہ جس نے دانستہ نماز ترک کردی وہ کافر ہوگیا۔
(صحیح الترغیب والترھیب، الصلاة، حدیث: 575)
امام بخاری ؒ آیت کریمہ اور حدیث مذکور سے اس کے معنی متعین کرنا چاہتے ہیں کہ ترک صلاۃ سے انسان حقیقی کافر نہیں بن جاتا بلکہ اس شخص نے کافروں جیسا طرز عمل اختیار کرلیا ہے، اسے چاہیے کہ وہ اپنے اس رویے پر غور کرے۔
والله أعلم۔

حدیث حاشیہ:
1۔
(الدباء)
کدو کو کرید کر برتن بنانا (نقير)
کھجور کی لکڑی کو کرید کر برتن بنانا(حنتم)
سبز مٹکا اور (مزفت)
اس برتن کو کہتے ہیں جسے تارکول سے پالش کیا گیا ہو۔
ان برتنوں میں بہت جلد نشہ پیدا ہو جاتا تھا اور یہ عرب میں خصوصی طور پر شراب کے لیے ہی استعمال ہوتے تھے اس لیے شروع شروع میں نبی ﷺ نے ان برتنوں سے بھی منع کردیا تاکہ شراب کا خیال بھی نہ آئے اور نبیذ کے استعمال میں اگر تھوڑی بہت دیر ہوجائے تو نشہ پیدا نہ ہو۔
وقت گزرنے کے ساتھ ساتھ جب ترک شراب کی عادت پختہ ہو گئی تو آپ نے ان برتنوں کے استعمال کی اجازت دے دی۔
2۔
امام بخاری ؒ نے کتاب الایمان (باب نمبر: 40)
میں اس حدیث پر ان الفاظ میں عنوان قائم کیا ہے۔
(باب أداء الخمس من الإيمان)
”خمس کا ادا کرنا ایمان کا حصہ ہے۔
“ دراصل امام بخاری ؒ ایمان میں کمی بیشی کے قائل ہیں اور دلیل کے طور پر وہاں یہ عنوان قائم تھا اس مقام پر خمس کی اہمیت بتانا مقصود ہے کہ خمس کا ادا کرنا دین اسلام کا حصہ ہے اگر اسے ادا نہ کیا جائے تو دین اسلام ناقص رہتا ہے۔
3۔
امام بخاری ؒ کے نزدیک ایمان دین اسلام باہم مترادف ہیں اور انھیں ایک دوسرے کی جگہ پر استعمال کیا جا سکتا ہے۔
واللہ اعلم۔

حدیث حاشیہ:
یہ حدیث پہلے کئی مرتبہ بیان ہوچکی ہے۔
اس مقام پر لانے کا مقصد یہ ہے کہ عرب کے لوگ قبیلہ ربیعہ کی شاخ ہیں یا قبیلہ مضر سے تعلق رکھتے ہیں۔
یہ دونوں قبیلے حضرت اسماعیل ؑ کی اولاد سے ہیں۔
وفد عبد قیس کی آمد کے وقت مضر قبیلہ مسلمان نہیں ہواتھا اس کے بعد اللہ تعالیٰ نے انھیں ہدایت دی اور مسلمان ہوگئے۔
الغرض آپ کی زندگی میں یہ دونوں مشرف بہ اسلام ہوچکے تھے۔
واللہ أعلم۔

حدیث حاشیہ:
1۔
ابو جمرہ کے سوال کا مطلب یہ تھا کہ میں ایک مٹکے میں کھجور کا نبیذ بناتا ہوں اور اسے پیتا ہوں اور پیتے وقت اس سے نشہ نہیں آتا البتہ زیادہ پینا دیر تک بیٹھنا نشے کا باعث بن سکتا ہے جس سے مجھے یہ خطرہ رہتا ہے کہ لوگوں کے سامنے رسوانہ ہو جاؤں۔
2۔
حضرت ابن عباس ؓ کی غرض اس استدلال سے یہ ہے کہ ان برتنوں میں نبیذ بنانے کی ممانعت اس وجہ سے تھیں کہ ان برتنوں میں نشہ جلدی آجانے کا گمان تھا اور ہر نشہ آور چیز حرام ہے، اس بنا پر ایسے برتنوں میں نبیذ بنایا جائے کہیں ایسا نہ ہو کہ ان میں جلدی نشہ پیدا ہو جائے۔
3۔
امام بخاری ؒ کا مقصد وفد عبدالقیس کی آمد کو ثابت کرنا ہے لیکن وہ دو مرتبہ حاضر ہوئے ہیں پہلی حاضری کے موقع پر کفار مضر حائل ہوئے تھے یا انھوں نے حائل ہونے کا اندیشہ ظاہر کیا تھا وفود کے سال جب اس قبیلے کی حاضری ہوئی تو انھیں کوئی رکاوٹ نہ تھی کیونکہ اس وقت مکہ فتح ہونے کی وجہ سے کفر کا زور ٹوٹ چکا تھا۔
اس کی تفصیل ہم آئندہ حدیث کے تحت بیان کریں گے۔

حدیث حاشیہ:
1۔
اس حدیث میں وفد عبدالقیس کی پہلی حاضری کا ذکر ہے۔
اس آمد کی وجہ یہ تھی کہ اس قبیلے کا ایک شخص منقذ بن حیان سامان تجارت لے کت مدینہ طیبہ آیا جایا کرتا تھا۔
وہ جب رسول اللہ ﷺ کی مدینہ طیبہ ہجرت کے بعد پہلی بار ادھر آیا تو اسے اسلام کا علم ہوا تو وہ مسلمان ہو گیا۔
آخر کار رسول اللہ ﷺ کا ایک خط لے کر اپنی قوم کے پاس گیا تو انھوں نے بھی اسلام قبول کر لیا۔
پھر ان کے تیرہ یا چودہ افراد پر مشتمل ایک وفد حرمت والے مہینے میں مدینہ طیبہ حاضر ہوا۔
اس دفعہ انھوں نے ایمان اور مشروبات کے متعلق سوال کیا تھا اس وفد کا سربراہ اشج تھا جس کے متعلق رسول اللہ ﷺ نے فرمایا تھا:
”تم میں دو ایسی خصلتیں ہیں جنھیں اللہ تعالیٰ پسند کرتا ہے۔
ان میں سے ایک دور اندیشی اور دوسری بردباری ہے۔
“ (صحیح مسلم، الإیمان، حدیث: 117(17)
2۔
دوسری بار اس قبیلے کا وفد وفود والے سال آیا تھا۔
اس وقت ان کی تعداد چالیس تھی اور ان میں علاء بن جار دو عبدی تھا جو عیسائیت چھوڑ کر مسلمان ہو گیا اور اس کا اسلام بہت خوب رہا۔
رسول اللہ ﷺ نے انھیں دیکھ کر فرمایا:
”مجھے تمھارے چہروں کی رنگت تبدیل شدہ معلوم ہوتی ہے۔
“ (صحیح ابن حبان بترتیب ابن بلبان: 178/16)
اس سے معلوم ہوتا ہے کہ آپ ﷺ انھیں پہلے دیکھ چکے تھے۔
(فتح الباري: 107/8)

حدیث حاشیہ:
(1)
رسول اللہ صلی اللہ علیہ وسلم نے وفد عبدالقیس کی آمد کے موقع پر انہیں خوش آمدید کہا۔
اس سے معلوم ہوا کہ جب کوئی مہمان یا معزز وفد آئے تو استقبال کے طور پر انہیں مرحبا کہنا چاہیے تاکہ انہیں اجنبیت کے بجائے اپنائیت کا احساس ہو اور وہ بے تکلفی کے انداز میں اپنا ما فی الضمیر ظاہر کر سکیں۔
(2)
امام بخاری رحمہ اللہ نے اسی مقصد سے اس حدیث کو بیان کیا ہے۔
اسلام ایک زندہ مذہب ہے، لہذا جو لوگ اسے اختیار کرتے ہیں، انہیں دوسروں سے خندہ پیشانی کا برتاؤ کرنا چاہیے۔
اپنے قول و کردار سے ایسا رویہ نہیں اختیار کرنا چاہیے جس سے دوسروں کو نفرت ہو اور وہ اسلام اور اہل اسلام کے قریب آنے سے ہچکچاہٹ محسوس کریں۔

حدیث حاشیہ:
1۔
رسول اللہ صلی اللہ علیہ وسلم نے انھیں جن برتنوں سے منع فرمایا اس وقت ان میں شراب بنائی جاتی تھی اس لیے آپ صلی اللہ علیہ وسلم نے ان برتنوں کے استعمال سے بھی منع فرما دیا تاکہ انھیں دیکھ کر شراب نوشی کا جذبہ تازہ نہ ہو جائے اور ان میں شراب کے اثرات بھی ختم ہو جائیں پھرآپ صلی اللہ علیہ وسلم نے ان برتنوں کے استعمال کی اجازت دے دی کیونکہ ان کے خطرات ختم ہو چکے تھے۔
2۔
امام بخاری رحمۃ اللہ علیہ نے اس سے خیر واحد کی حجیت کو ثابت فرمایا ہے۔
ان لوگوں کو رسول اللہ صلی اللہ علیہ وسلم نے پابند فرمایا کہ یہ احکام تم نے اپنی پیچھے رہنے والی قوم کو پہنچانے ہیں۔
یہ حکم عام ہے ایک آدمی بھی یہ باتیں دوسروں کو پہنچا سکتا ہے۔

حدیث حاشیہ:
اس حدیث میں ہے کہ وفد عبدالقیس نے رسول اللہ صلی اللہ علیہ وسلم سے عرض کی کہ آپ ہمیں ایسے جامع احکام سے آگاہ کریں جن پر ہم ایمان لا کر جنت کے حق دار بن جائیں یہ اعمال جن کی وجہ سے وہ جنت میں جائیں گے۔
وہ ان کے افعال ہیں ان کی طرف ہی درحقیقت ان کی نسبت ہوگی کیونکہ وہ انھیں اپنے ارادے اور اختیار کرنے والے ہیں حالانکہ ان کا پیدا کرنے والا اللہ تعالیٰ ہے وہی انھیں اور ان کے اعمال کو پیدا کرنے والا ہے جیسا کہ امام بخاری رحمۃ اللہ علیہ:
"خلق أفعال العباد" میں ایک حدیث لائے ہیں۔
”اللہ تعالیٰ ہی ہر کار یگر اور اس کی کاری گری کو پیدا کرنے والا ہے۔
“ (خلق أفعال العباد، ص: 41)
بندوں کے تمام افعال اللہ تعالیٰ کے ارادے اور اس کی مشیت کے تحت رونما ہوتے ہیں۔
واللہ أعلم۔