سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جمعہ کے دن سے بہتر کسی اور دن پر سورج نہ طلوع ہوا ہے نہ غروب۔ اللہ تعالیٰ نے ہمیں اس کی ہدایت نصیب فرمائی اور لوگ اس سے بھٹک گئے۔ چنانچہ لوگ اس بارے میں ہمارے پیچھے پیچھے ہیں اور جمعہ کا دن ہمارے لئے ہے۔ یہود کے لئے ہفتہ اور عیسائیوں کے لئے اتوار ہے۔ اس (جمعہ کے) دن میں ایک ایسی گھڑی بھی ہے کہ جو مسلمان شخص نماز کی حالت میں اُسے پاکر اللہ تعالیٰ سے جو بھی مانگتا ہے، اللہ تعالیٰ اُسے وہی عطا کر دیتا ہے ـ“